Уыцы иу рæстæг зарын æмæ кафын æнцон нæу. Цæмæй базонай, уый тыххæй хиуыл кусын бирæ хъæуы. Фæсивæдæн æххуыс кæны сæ ахуыргæнæг. Джиоты Иринæ ахуыр кæны музыкалон скъолайы. Ансамбльмæ æрбацыд æртæ азы размæ.
Ансамбль “Тополек”-ы зарджыты фылдæр сты хъазахъхъæгтæ. Фæлæ сæ репертуары ис ирон адæмон зарджытæ дæр. Хамыхъоты Светланæ коллективæн разамынд дæтты ныр 5 азы. Йæ 19 ахуыргæнинагæй алкæцыйы гæнæнтæ дæр зоны.
Ансамбль “Тополек” æппынæдзух вæййы гастрольты. Æрæджы æрыздæхтысты Железноводскæй. Хоры æппæтуæрæсеон фестивалы бацахстой фыццаг бынат.
Конкурс “Душа баяна”-мæ бацæттæ кодтой “Рождество в каждый дом” æмæ “Порушка-Пораня”.
Фæсивæд репетици кæнынц къуыри æртæ хатты. Аивадон ерысты та уæлдæр кæнынц сæ фæлтæрддзинад, ссарынц ног хæлæрттæ æмæ семæ сласынц æхсызгон æнкъарæнтæ.
