Хицауад рахæцыд уæлдæр технологиты къабазы технопарктæ аразыны закъоны проекты фарс. Паддзахадон думæмæ цы закъон бахастой, уым ис технопарктæ аразыны æмæ сæ райрæзты фарстатæ. Закъоны проект фидаргонд куы æрцæуа, уæд уыцы хъуыддаг, фыццаджыдæр, бар ратдзæн барадон бындур саразынæн. Уымæй уæлдай ма фæзындзæн гæнæнтæ дæр промышленнон политикæйы къабазы паддзахадон æххуысæй спайда кæнынæн.
Закъоны проектмæ гæсгæ ног технопаркты хъуамæ арæзт æрцæуа технологон, транспортон æмæ коммуналон инфраструктурæ, наукон-техникон æмæ инновацион архайд чи кæны, стæй информацион технологиты къабазы чи архайы, уыцы куыстуæттæн æмæ компанитæн.
