Хицауады Сӕрдар Дзанайты Барис Центр “Мой бизнес”-ы фембӕлд чысыл ӕмӕ рӕстӕмбис амалхъомадӕн ӕххуысы институтты минӕвӕрттимӕ

Хицауады Сӕрдар Дзанайты Барис Центр “Мой бизнес”-ы фембӕлд чысыл ӕмӕ рӕстӕмбис амалхъомадӕн ӕххуысы институтты минӕвӕрттимӕ. Ныхас цыд бизнесӕн паддзахадон ӕххуысы хъомыс фӕбӕрзонддӕр кӕныныл. Сӕйраг хӕс у райхалинаг фарстатæ сбӕрӕг кӕнын ӕмӕ бизнесы куыст ӕмӕ рӕзтӕн хорз фадӕттӕ саразын. Уый фæрцы фæзындзæн ног куысты бынӕттӕ ӕмӕ хъалоны фиддонтæ, — загъта Дзанайты Барис. Зæрдыл æрлæууын кодта ныры ӕххуысы институттӕ. Зæгъæм, Амалхъомадæн ӕххуысы фонд фæкæсы соцконтракттæн бизнес-пълантӕ сцӕттӕ кӕнынæй. Ацы аз сты 380 млн сомæн. Экономикон рӕзты министры хæстæ æххæстгæнæг Олег Быкадоров фехъусын кодта нацпроект “Чысыл ӕмӕ рӕстӕмбис амалхъомад” æххæст кæныны тыххӕй. Йæ субсидитæ — 18,5 млн сомы. Æдæппæтæй центр” Мой бизнес” ивгъуыд азы дӕргъы бакодта 3,5 мин лӕггады бӕрц. Амалхъомадæн ӕххуысы фонды Директор Дзоккаты Маринӕ фӕбӕрӕг кодта — чысыл æмæ рæстæмбис амалхъомады субъектты нымӕц 5 азмӕ 30% фӕфылдӕр. Амалгӕнджытӕ стыр аргъ скодтой ӕххуысы, кредитон гарантиты ӕмӕ чысыл финансон лӕггæдты фондтæн. Фембӕлды архайджытӕ фехъусын кодтой продукци уӕй кӕныны проблемӕ. Премьер-министр бабар кодта уыцы фарсайыл базарадон хызтимӕ бакусын.