Сергей Меняйло фембӕлд ӕвзонг поэтессӕ, телеуынынады кусӕг, актрисӕ æмӕ культурон проекттӕ аразӕг Плиты Никольимӕ. Фембӕлды сӕйрагдӕр темӕтӕй иу уыд республикӕйы культурон хъӕппӕристы рӕзт. Ныхас ма цыд историон ном бахъахъхъӕныны ӕмӕ фӕсивӕды литературӕмӕ, театрмӕ ӕмӕ историмӕ цымыдис кӕныны тыххӕй цы проекттӕ арӕзт цæуы, уыдоныл. Се ‘хсæн национ центр «Уæрæсе»-йы подкастты сери «Расскажите мне о Победе», зæгъгæ. Йæ амонæг у Плиты Николь. Уӕлахизы 80 азы бонæн нысангонд проект арӕзт у Фыдыбӕстӕйы Стыр хӕсты маршалты ӕмӕ хъӕбатырты кæстæрты историтыл. Сергей Меняйло куыд фæнысан кодта, афтæмæй, кæд Николь нырма ӕвзонг у, уæддæр ныридӕгӕн ӕххӕст кӕны ахадгӕ куыст. Ахсджиаг у, Ирыстонимӕ бастдзинад кӕй дары, ардӕм кӕй цӕуы, фӕсивӕдимӕ кӕй кусы, уый.
