Промышленносты æмæ базарады министрады цы ног закъоныл бакуыстой, уымæ гæсгæ супермаркетты æмæ стыр дуканиты нырæй фæстæмæ уыдзæн хостæ балхæнæн. Фæлæ рецепт кæй нæ хъæуы, ахæмтæ. Хъусын кæны газет «Коммерсантъ».
Дуканитæн ма бар ис æнæ бардæттæг гæххæттытæй, стæй дохтыры къухфыст кæм нæ хъæуы ахæм медикаменттæ уæй кæнынæн. Фæлхасгæнджытæн сæ балхæнæн уыдзæн хойраджы дуканиты. Æрмæст сæ хицæутты хъæуы «Росздравнадзор»-ы специалисттæн сæ архайды тыххæй фехъусын кæнын. Ног закъоны фыст сты æнæ рецептæй цы хостæ уæй кæнæн ис, уыдоны номхыгъд. Дихгонд сты 34 къордыл.
