Ирыстонæй Финляндимæ

Битарты Вячеслав фембæлд Финляндийы минæварады делегацийы уæнгтимæ. Семæ æххæстбарджын министр Антти Хелантеря. Уазджыты балцы сæйраг хæс у культурон-гуманитарон æмæ наукон-ахуырадон бастдзинæдтæ фæфидардæр кæнын. Битарты Вячеслав уазджытæн раарфæ кодта æмæ сын радзырдта, ахæм фембæлдтытæ куыд ахсджиаг сты, уый тыххæй. Нæ республикæйы сæргълæууæг ма бафиппайдта, бастдзинæдтæ æрмæст культурæйы нæ, фæлæ ма экономикæ æмæ бизнесы дæр кæй хъуамæ уой. Æнтыстджын æмгуыстадæн та ис æппæт уавæртæ. «Туризм æмæ хъæууон хæдзарады зонгæ кæндзыстæм кæрæдзийы фæлтæрддзинадимæ» – загъта Битарты Вячеслав. Уазджытæ дæр фæбæрæг кодтой, æмгуыстадмæ цæттæ кæй сты æмæ бахастой бизнес – форум саразыны хъæппæрис. Цæгат Ирыстоны сæргълæууæг уазджытæ скодта зæрдылдарæн лæвæрттæ æмæ сын загъта, ирон зæххыл сыл кæддæриддæр æхсызгонæй кæй æмбæлдзысты, уый.