Хуссар Ирыстон æмæ Сомихæй ласт автомобилон транспортæй рæстæгмæ пайдайы æмгъуыд фæци ивгъуыд аз 30-æм сентябры. Ахæм хæдтулгæты хицæуттæ сæ хъуамæ Евразиаг экономикон цæдисы таможнæйы территорийæ аласой. Науæд та сӕ цыбыр рæстæгмæ уӕгъдибар пайдакӕнынады фӕткмӕ раивой. Цæгат Ирыстоны таможнæйы бæрæггæнæнтæм гæсгæ, ныртæккæ республикæйы ис мин æмæ ‘рдæг ахæм хæдтулгæйы.
Æмгъуыдæй чи фæивгъуыйа, уыдоны æфхæрдзысты административон æгъдауæй. Уыимæ ма хæдтулгæты хицæуттæн бафидын кæндзысты таможнæйы хæрдзтæ æмæ хъалонтæ. Уæ зæрдыл уын æрлæууын кæндзыстæм, ЕврАзион экономикон къамис æртæ хатты адæргъвæтин кодта хæдтулгæтæй рæстæгмæ пайда кæныны æмгъуыд. Уымæн аххосаг – эпидемиологон уавæр.
