Хуссар Ирыстоны фидæны аз фæнд кæнынц сæнæфсиры тыллæг 30 мин тоннæйæ фылдæр сисын. Присы хъæуы 30 гектары фæзуатыл апарахат сты гагадыргъы 4 хуызы талатæ. Каберне, саперави, шардоне æмæ мерло. Се ‘ппæт дæр сты сæн скæнынæн.
Ныссагътой сæ фарон, майы мæй. Технологимæ гæсгæ та хъуыд фæззаджы. Фæлæ специалистты фæлтæрддзинад æмæ раст архайды ‘руаджы бæлæстæ уæддæр чысыл тыллæг радтой. Зайæгойтæн бынæттон уавæртæ æмæ климæт фæбæззыдысты.
Сæндон парахат у канд республикæйы нæ, фæлæ фæсарæнты дæр. Зæгъæм, Уæрæсе, Казахстан æмæ Абхазийы. Куыстуаты æнтыстджын у традицитæ кæй бахъахъхъæдтой, уый ‘руаджы. Сæн уадзынц классикон æмæ французаг технологитæм гæсгæ. Дарддæр нозт фæдарынц кавказаг тулдз бæласæй конд агуатты. Куыстуат фæнд кæны йæ продукци ноджы фæфылдæр кæнын. Уый та у сæны 7 милуан авджы æмæ коньякы 3 милуан авджы афæдзмæ.
