Хъуыстгонд уæрæсейаг журналист Евгений Поповæн уыд онлайн-лекци ЦИПУ-йы журфакы студенттæн. Дзырдтой нырыккон нымæцон технологитæй раст пайда кæныныл, ног медиаэкосистемæйы фæзындыл, информацион хæсты æууæлтæн дзуапп куыд дæттын хъæуы, ууыл. Студенттæ сæ фæрстытæн райстой бæстон дзуæппытæ.
Мадзал аразæг журналистикæйы кафедрæйы ахуыргæнæг Цæрикъаты Оксанæ. Уæ зæрдыл уын æрлæууын кæндзыстæм Евгений Попов у Паддзхадон Думæйы информацион политикæйы, бастдзинад æмæ технологиты къабазы комитеты сæрдары хæдивæг. Амоны програмæ «60 минуты».
