Æппæтуæрæсеон футболон акци «Уличный красава»-йы республикон къæпхæны финалисттæ сбæрæг сты. Регионалон ерысты Сочийы Цæгат Ирыстонæй архайдзысты дыууæ командæйы. Хистæр къорды хуыздæр разынд командæ «Шахтер-Садон». Кæстæр къордæй та – Беслæны минæвæрттæ. Ерыстæ арæзт цæуынц æппæтуæрæсеон адæмон фронты фæсивæды хъæппæрисæй. Ацы турниры архайынц, футболæй професионалон хуызы чи нæ хъазы, уыцы фæсивæд. Октябрæй нырмæ Цæгат Ирыстоны алы районы дæр æвзæрстой хуыздæр командæйы. Республикон къæпхæны уæлахиздзаутæ тох кæндзысты æппæтуæрæсеон турниры финалы. Фыццаг бынат цы командæ бацахса, уый схорзæхджын кæндзысты сертификатæй. Схорзæхджын сæ кæндзысты сæ хæдзары раз спортивон фæз саразынæй.
