Ирон æвзагæй олимпиадæйы республикон къæпхæн райдыдта

Литературæ, текстимæ куыст æмæ тестытæ. Ирон æвзаг æмæ литературæйæ олимпиадæйы республикон къæпхæн райдыдта. Архайджытæ – дыууæ сæдæйæ фылдæр. Се ‘хсæн 9-æм æй 11-æм кълæсты ахуыргæнинæгтæ – скъолаты æмæ муниципалон къæпхæнты уæлахиздзаутæ æмæ призертæ. Хæслæвæрдтæ – алы æмвæзадыл. Интеллектуалон ерысæн фæз радих кодтой ахуырадон центр “Вершина”-йы, архайы нацпроект “Фæсивæд æмæ сывæллæттæ”-йы фæлгæты. Уæлахиздзауты сбæрæг кæндзæн фæлтæрдджын къамис. Хуыздæрты схорзæхджын кæндзысты 15-æм майы Ирон æвзаджы бон. Æрвылазон олимпиадæ здæхт у культурон бынтæ бахъахъхъæнынмæ. Уымæй уæлдай ма хаст æрцыд федералон хыгъдмæ, уый та ууыл дзурæг у æмæ æххуыс уыдзæн уæлдæр ахуыргæнæндонмæ бацæуынмæ.