Иры Стыр Ныхасы уæнгтæ фембæлдысты республикæйы культурæйы къабазы минæвæрттимæ. Æмбырды архайдтой дины кусджытӕ, республикӕйы Национ политикӕ ӕмӕ ӕддагон бастдзинӕдты министрады уæнгтæ.
Ныхас цыд аивадон архайды æнæгъдау митæ ма ‘руадзыныл. Уымæй уæлдай, ныртæккæ цы аиппытæ ис, уыдон аиуварс кæныны ахадгæ мадзæлттыл. Иры Стыр Ныхасы сæрдар Уататы Зелимханы ныхасмæ гæсгæ, хъæуы саразын сфæлдыстады фарстаты фæдыл сæрмагонд Совет.
