Иухаттон æххуыс 100 мин сомы исдзысты Сæрмагонд æфсæддон операцийы архайджытæ, контракт бафысгæйæ. Уый тыххæй фехъусын кодта Цæгат Ирыстоны фæллойы æмæ социалон рæзты министр.
Айдарты Алинæ куыд фехъусын кодта, афтæмæй æфсæддонтæн æххуысы фарста ныртæккæ сæйрагдæр у, цæуы йæм бæстон цæстдард. Сергей Меняйлойы уынаффæмæ гæсгæ, æфсæддон операцийы архайджытæн скæндзысты социалон паспорттæ. Дзырд цæуы контракт чи бафыста, барвæндонæй чи ацыд, мобилизацигонд цæрджытыл. Стæй чи фæмард, уыдоныл дæр. Документы æппæт информаци дæр уыдзæн æфсæддонты бинонты тыххæй. Дæтдзысты сын æнæ радæй бынæттæ ахуырадон кусæндæтты. Кæндзысты сын лæвар медицинон, психологон æмæ юридикон æххуыс. Уымæй уæлдай ма контракт чи бафыста, уыцы æфсæддонтæн дæтдзысты æрвылмæйон фиддонтæ, бар сын уыдзæн социалон льготæтæ исынæн. Æххуыс кæнынц чи фæцæф, уыцы æфсæддонтæн дæр.
