Йæ 100 азы юбилей сбæрæг кодта Фыдыбæстæйы Стыр хæсты ветеран Арутюн Хачикян

16.02.2026 15:38

Хæстмæ ацыд 1944-æм азы, 18 аздзыдæй.

Йæ 100 азы юбилей сбæрæг кодта Фыдыбæстæйы Стыр хæсты ветеран Арутюн Хачикян. Хæстмæ ацыд 1944-æм азы, 18 аздзыдæй. Дыккаг Украинаг фронты хыгъды архайдта карздæр тохты, Уæлахизыл та сæмбæлд Румынийы. Хæсты фæстæ куыста зынгхуыссынгæнæн хæдтулгæйы шофырæй. Йæ хæдзармæ æрыздæхт 6 азы фæстæ. Сси бирæ æфсæддон хæрзиуджыты аккаг. 2013-æм азы та йын саккаг кодтой “Ирыстоны Намыс”-ы майдан. Ныртæккæ Арутюн Хачикян йæ азтæм гæсгæ кæны уæнгрог цард. Арæх æмбæлы фæсивæдимæ, радзуры сын йæ хæстон цауты, царды фæзилæнты тыххæй. Йæ гуырæнбоны фæдыл ветеранæн раарфæ кодтой парти “Иугонд Уæрæсе”-йы уæнгтæ. Активисттæ йын æхсызгонæй балæвар кодтой Уæрæсейы президент Владимир Путины номæй кады фыстæг йæ юбилейы фæдыл арфæтимæ.

Предыдущий материал

Цæрæнуæтты-коммуналон хæдзарады æмæ энергетикæйы райрæзтæн Цæгат Ирыстон æмæ Дагестан уæлæмхасæн райсдзысты 1 миллиард 800 милуан

Следующий материал

Бирæгъзæнджы цæрджытæ сæрмагонд æфсæддон операцийы бынатмæ хъарм дзаумæттæ æрвитынц

Читайте также

Все новости