Цæрæнуæтты-коммуналон хæдзарады æмæ энергетикæйы райрæзтæн Цæгат Ирыстон æмæ Дагестан уæлæмхасæн райсдзысты 1 миллиард 800 милуан

13.02.2026 19:41

Ног финанстæ фадат ратдзысты дарддæр коммуналон инфраструктурæйы æмæ лæггæдты хæрзхъæддзинад фæбæрзонддæр кæнынæн.

Цæрæнуæтты-коммуналон хæдзарады æмæ энергетикæйы райрæзтæн Цæгат Ирыстон æмæ Дагестан уæлæмхасæн райсдзысты 1 миллиард 800 милуан сомæй фылдæр. Сæрмагонд бардзырд абон бафыста Уæрæсейы хицауад. Уый у егъау пилотон программæйы хай, регионты йæ скусын кодтой 2022-æм азы. Федералон фæрæзты фæрцы аиуварс кæндзысты къорд фарстатæ: сног кæндзысты коммуналон хызæгтæ, баххæст кæндзысты квалификациимæ кадрты цухдзинад. Уæлдай æргом – цæрджыты социалон хъахъхъæнынадмæ. Программæйы фæлгæты рахиздзысты экономикон æгъдауæй бындурон тарифтæм. Цæмæй сæ æргътæ æваст ма бæрзонд кæной, уый тыххæй Мæскуы пайдагæнджытæн баххæст кæндзæн фиддонты иу хай ногдзинæдтæ нысан кæныны рæстæг. Уæ зæрдыл уын æрлæууын кæндзыстæм, цæрæнуæтты-коммуналон хæдзарады реформæйы фæлгæты ацы æххуыс Цæгат Ирыстонæн фыццаг нæу. Ивгъуыд аз республикæ къабазы нысантæн райста 280 милуан сомы. Ног финанстæ фадат ратдзысты дарддæр коммуналон инфраструктурæйы æмæ лæггæдты хæрзхъæддзинад фæбæрзонддæр кæнынæн.

Предыдущий материал

Хæдзар-интернат “Узæлд”-ы сæрмагонд æфсæддон операцийы бынатмæ æппынæдзух цæттæ кæнынц акъоппы цырæгътæ

Следующий материал

Йæ 100 азы юбилей сбæрæг кодта Фыдыбæстæйы Стыр хæсты ветеран Арутюн Хачикян