Дзæуджыхъæуы Ног азы бæрæгбоны агъоммæ схорзæхджын кодтой æнæниздзинад хъахъхъæныны къабазы ветеранты. Арфæйы ныхæстæ сын загътой нæ республикæйы хицауады сæрдар Тускъаты Таймураз æмæ æнæниздзинад хъахъхъæныны министр Годжыцаты Тамперлан.
Бирæ азты дæргъы æнтыстджынæй кæй фæкуыстой æмæ сæ цард мецинæйæн кæй снывонд кодтой, уый тыххæй сæ схорзæхджын кодтой кады гæххæттытæ, арфæйы фыстæджытæ, дидинджытæ æмæ æхцайы премитæй. Мадзалы уазджыты ‘хсæн уыдысты нæ республикæйы медицинон уагдæттæ æмæ ведомствæты минæвæрттæ. Кадджын уазджытæн бацæттæ кодтой цымыдисаг концертон программæ.
Уыимæ ма сын равдыстой документалон киноныв 2018-æм азы æнæниздзинад хъахъхъæнны къабазы куысты хатдзæгты тыххæй.
