Бынаты уавæр фенын, лыггæнинаг фарстатыл æрныхас кæнын, сæ аиварс кæныныл бацархайын. Кировы районы уыд республикæйы Парламенты радон æмбырд. Тускъаты Тамураз, депутаттæ æмæ районы разамынд бæстонæй æркастысты æхсæнадон объекттæм. Фыццаг бабæрæг кодтой Кæрдзыны амулатори. Арæзт æрцыд 3 азы размæ. Ам медицинон лæггæдтæ исынц 2,5 мин адæймагæй фылдæр. Ис дзы терапевт, фелсыр, медицинон хотæ. Иу бонмæ медицинон кусæндоны фадат ис 50 адæймагæн æххуыс бакæнынæн. Тускъаты Таймуразæн радзырдтой профилактикон æркасты æмæ диспансеризацийы тыххæй. Афæдзы райдаианæй йæ ацыдысты 80 адæймаджы.
Бæрнон кусджытæ æрдзырдтой хъæууон-хæдзарады къабазы архайдыл дæр. Федтой Змейкæйы фермерон хæдзарад. 2021-æм азы “Агростартап”-ы программæ гæсгæ райстой грант. 2 милуан сомы аргъæн балхæдтой 16 сæры стурвос. Уæдæй нырмæ сын сæ нымæц фæфылдæр кодтой 47 онг. Уæвгæ, ам фарон гранттæ райсой 32 куыстуаты – чысыл æмæ астæуыккаг амалхъомады минæвæрттæ. Æмтгæй райсгæйæ Кировы районы хъæууон хæдзарады райрæзтæн æххуысы бæрц уыд 176 милуан сомы. Ацы фарстатыл лæмбынæгæй депутаттæ æмæ районы разамынд æрныхас кодтой бынаты. Парламенты радон æмбырд ацыд Кировы районы.
