Китайы делегацийы уæнгтæ дидинджытæ сæвæрдтой сæ æмбæстæгтæй Советон Цæдисы сæраппонд чи фæмард, уыдоны номыл цыртдзæвæныл. Мадзалы ма архайдтой ахуырад æмæ наукæйы министр Алыбегты Эллæ, республикæйы спорты министр Хуадонты Артур. Китайы бархионты къорды æфсæддонтæ æхсарджынæй тох кодтой советон æфсады рæнхъыты. Сæ номыл 1960-æм азы Дзæуджыхъæуы сæвæрдтой монумент. Фæсарæйнаг делегаци фæнысан кодта, адæмты хъæбатырдзинад æнустæм баззайдзæн æгас дунейы историйы. Уæрæсеимæ зæрдæхæлар ахастдзинæдтæ та дарддæр дæр кæндзысты хъæддыхдæр.
