Республикæйы æмæ Дзæуджыхъæуы уынгтæ ныр цалдæр боны æрæмбæрзы мит. Коммуналон службæ цæттæ разынд ахæм боныхъæдмæ. Æхсæвы горæты уынгтæ æфснайынмæ бавнæлдтой 210 адæймаджы æмæ митæфснайæн техникæйы 18 иуæджы.
Мит æфснайын райдыдтой 12 сахатыл. Уынгтæ ссыгъдæг кодтой райсомы цыппар сахатмæ. Уый фæстæ фæндæгтæ пырх кæнын райдыдтой змисс æмæ цæххæй. Къахвæндæгтæ сыгъдæг кодтой 9 тракторы. Митæфснайæн машинæтæн фæзилæн кæм нæй, уым архайдтой специалисттæ. 210 адæймаджы къухæй цæхх æмæ змисс пырх кодтой æхсæнадон транспорты æрлæууæнты, фистæгцæуджыты ахизæнты. Куыстытæ ныртæккæ дæр цæуынц.
