Пётр Барбашов, Юрий Гагарин, Александр Суворов. Алкæмæн дæр йæхи хъайтар. Дзæуджыхъæуы æмæ Беслæны схорзæхджын кодтой сывæллæтты сфæлдыстадон конкурс «Уæрæсейы намыс»-ы архайджыты.
Кæд ивгъуыд аз жюрийы уæнгтæ аргъ кодтой 300 куыстæн, нæ бæстæйы 53 регионæй, уæд ныр та кастысты нымæц 600 баис. Сты Уæрæсейы алы регионтæй. 18 дзы сбастой Беслæнимæ. Афæдзы дæргъы сывæллæттæ ныв кодтой Уæрæсейы хъайтартыл кæй нымайынц, уыдоны. Уыимæ ма, се `хсæн канд историимæ баст фæлгонцтæ нæ. Бирæтæ сныв кодтой сæ хистæрты, Афганистаны чи хæцыд уыдоны. Стыргъ аргъ скодтой Юрий Гагаринæн. Конкурмæ космонавты хуызистытæ æрбарвыстой сæдæгæйттæй.
Ацы конкурс фыццаг хатт расидтысты 2018-æм азы. Архайдтой дзы 3 азæй – 18 азы онг кæуыл цæуы, уыцы сывæллæттæ. Сæйраг нысан – рæзгæ фæлтæрæн сæ бинонты æмæ сæ райгуырæн бæстæйы истори базонынмæ сразæнгард кæнын. Уыимæ ма сывæллæтты курдиат раргом кæнын. Фæсивæды схорзæхджын кодтой кады гæххæттытæ æмæ зынаргъ лæвæрттæй. Алы архайæгæн дæр фадат уыд лæвар Уæрæсейы æмæ Советон Цæдисы хъайтарты къухæй райсын. Уыдон сæрмагондæй саккаг кодтой Мæскуымæ.
