Зæрдæйæн æхсызгон, уæздан симды зæлтæ. Цæмæй мелоди хорз рауайа, уый тыххæй иумæ фæцæгъдынц сахатгай. Музыкалон инструменттæ сты рагон. Алчидæр сæ равзæрста зæрдæмæдзæугæ. Национ уадынгæрзтæ сæм, зæгъæн ис, æмæ иууылдæр сты.
Æрæджы сæм фæзынд æнахуыр музыкалон инструмент – хъырнæг-уадындз. Бакуыста йыл Антон Платонов. Аразгæ та йæ скодта къорды уæнг Дзаболаты Вадим.
Мелодитыл адæм цы хуызы сахуыр сты, афтæ сæ нæ цæгъдынц фæсивæд. Музыкæ йæ мидбынаты нæ лæууы, хъуамæ йæ авналæнтæ парахат кæной, зæгъынц къорды уæнгтæ. Ис сын сæхи репертуар. Арæзт у цалдæр хайæ.
Къорд «Рагон» сæвзæрд 2 азы размæ. Ныры онг рауагътой дыууæ æмбырдгонды. Ссарæн сæ ис алыхуызон музыкалон фæзуæттыл интернеты. Уæдæ Цæгат Ирыстоны хъæутæ æмæ сæхартæй кæм нæ ацагътой, ахæмтæ дæр бирæ нал ис. Æрæджы сын концерт уыд Гæздæнты Булаты номыл адæмон инструментты оркестры залы. Иннæ равдыст – 26 январы. Фæсивæд фæнд кæнынц æртыккаг альбомыл райдайын кусын.
