Космонавтикæйы скъолайы ацыд ахуырадон телебастдзинад “Урок из океана”. Ацы аз мадзал аразынц фæйнæ æртæ фæзыл, куыд Уæрæсейы, афтæ фæсарæнты дæр. Фæсивæдимæ видеобастдзинады фæрцы ныхас кодтой раззагдæр специалисттæ суанг Байконурæй дæр.
Бынæттæ нымад уыдысты, уымæ гæсгæ дзы архайдтой æрмæст 20 адæймаджы. Уыдон сты космосон къласы ахуырдзаутæ, 3 студенты, ЦИПУ-йы дыууæ ахуыргæнæджы, уыимæ ма скъолаты педагогтæ. Дзæуджыхъæу равзæрстой Роскосмосы хъæппæрисæй, кусæндонимæ æмгуыст кæнынц. Дун-дунейы æвзонг уарзджытæн стыр гæнæн фæзынд цымыдисаг ногдзинæдтæ базонынæн, уыимæ ма дæснытимæ аныхас кæнын.
