Цæгат Ирыстоны культурæйы министр Милдзыхты Руслан фембæлд гуманитарон наукæты æмæ социалон иртæстыты институты кусджытимæ. Ныхас кодтой нæ культурæ бахъахъхъæныны мадзæлттыл.
Зæгъæм, наукон центры минæвæртты фæнды национ зарджыты архив саразын. Хъуамæ йæм бахæссой фыдæлтыккон зарджытæ æмæ хъарджытæ. Уый фæстæ æрдзырдтой Дæргъæвсы археологон экспедициимæ æмгуыстадыл. Институты ахуыргæндты хъуыдымæ гæсгæ, археологтæ цы хæзнатæ ссарынц æмæ рабæрæг кæнынц, уыдонимæ адæмы зонгæ кæнын хъæуы. Экспонатты историйыл та хъуамæ специалисттæ кусой. Æмбырды баныхас кодтой фидæны иумæйаг электрон базæ саразыныл. Хаст æм æрцæудзæн адæмон æрмдæсныты сфæлдыстад. Институты кусджытæ зæрдæ дарынц, культурæйы министрадимæ æмгуыстад сын кæй фæпайда уыдзæн, ууыл.
