Культурон хъæппæристы президентон фонды ног конкурсмæ курдиæттæ исын райдыдтой

Культурон хъæппæристы президентон фонды ног конкурсмæ курдиæттæ исын райдыдтой. Арвитæн сæ ис 17-æм декабрæй 6-æм февралы онг. Ахсджиаг ногдзинæдты ‘хсæн — ног тематикон здæхтытæ. Сфæлдыстадон проектты автортæн сæ бон архайын у 12 æркасты: “Иумæйаг хъыысмæт Уæрæсеимæ”, “Иумæ стæм”, “Аразджыты наци”, “Бирæнацион бæстæ”, “Хæрзæгъдаудзинады нысантæ”, “Æнгом бинонтæ”, “Нæ тых рæстдзинады”, “Фыдыбæстæ хъахъхъæнгæйæ”, “Æрыгон лидертæ”, “Фадæтты бæстæ”, “Культурæйы код”, “Тыхы бынат”. 2025 азы фыццаг конкурсмæ Цæгат Ирыстонæй арвыстой 30 курдиатæй фылдæр. Се ‘хсæн документалон киноныв Советон Цæдисы дыууæ хатты хъæбатыр æмæ Манголы Адæмон Республикæйы хъæбатыр Плиты Иссæйы тыххæй, этнофестиваль “Æгас дуне — мæ кувæндон”, историон-рухстауæн проект “Ирыстон сæрыстыр кæмæй у, уыцы зындгонд æмзæххонтæ” æмæ æндæртæ.