Республикæйы æгуыст адæмы æрхауд 0,6% онг

Республикæйы æгуыст адæмы нымæц фæкъаддæр æмæ фыццаг хатт æрхауд 0,6% онг. Ацы бæрæггæнæн фехъусын кодтой Куыстдæттыны комитеты пресс-конференцийы. Фæллойы министрадимæ иумæ 6 азы дæргъы æххæст кæнынц “Мæгуырдзинадимæ тохы” паддзахадон программæ. Афæдзмæ кусты ныллæууыдысты 270 æххуысцух адæймаджы, 68-æн бафыстой стажировкæ. Ног дæсныйад райсæн дæр ис. Ахуыры фæстæ бирæтæ байгом кæнынц хицæн куыстуæттæ, свæййынц гидтæ-экскурсоводтæ æмæ СММ-специалисттæ. Куыст фæагурынц 14-аздзыд фæсивæд дæр. Сарæзтой сын 132 профориентацион фембæлды. Уæлдай æргом здахынц сæрмагонд æфсæддон операцийы архайджытæ æмæ сæ бинонтæм. Уæгъд кусæн бынæтты номхыгъ фенæн ис портал “Работа России”-йы.