Культурон хъæппæристы Президенты гранттæ рамбулыны фонды æркасты архайынмæ райдыдтой курдиаттæ исын

Культурон хъæппæристы Президенты гранттæ рамбулыны фонды æркасты архайынмæ райдыдтой курдиаттæ исын. Ацы аз Цæгат Ирыстонæй проекттæ рамбылдтой 50 милуан сомы. Уæлахиздзауты нымæцмæ гæсгæ та нæ республикæ райста фыццаг бынат Цæгат Кавказы федералон зылды. Уый тыххæй йæ телеграм-каналы фехъусын кодта Сергей Меняйло. Æппæты егъаудæр проект – аивадон киноныв “Цуанон” – райста 9 милуан сомæй фылдæр. Афæдзы кæронмæ сараздзысты ирон адæмон инструментты ансамбль “Рагон”-ы гастрольтæ, стæй креативон индустрийы форум “Кавказаг акцент”. Ацы вазыгджын хъæппæристы сырæзт рауад æрмæст дæр æркасты ‘руаджы. Курдиаттæ исынц 10-æм сентябрьмæ. Æдæппæтæй дзы ис 9 номинацийы. Фылдæр хабæрттæ æркасты тыххæй, стæй курдиат бадæттын куыд хъæуы, уый базонын кæй фæнды, уыдоны зæрдыл лæууын кæнæм – нæ республикæйы байгом Культурон хъæппæристы Президенты фонды проектон офис. Специалисттæ дзы баххуыс кæндзысты æппæт фарстаты фæдыл дæр.