Курорт “Мамысон”-ы арæзтады минæвæрттæ сæ æргом аздахдзысты фæзуаты минералон дæтты æвæрæнтæм фысымуæттæ аразгæйæ

Курорт “Мамысон”-ы арæзтады минæвæрттæ сæ æргом аздахдзысты фæзуаты минералон дæтты æвæрæнтæм фысымуæттæ аразгæйæ. Уый тыххæй фехъусын кодта Сергей Меняйло. Сæргълæууæг фæнысан кодта, комы бирæ минералон дæтты суадæттæ кæй ис, хæссынц алывæрсыг пайдадзинад. Зæгъæм донгуырæнтæ Тиб-1 æмæ Тиб-2, Згъил, Калак, Къамсхо фадат дæттынц дзæбæхгæнæн мадзæлттæ æххæст кæнынæн, алы кары æмæ æнæниздзинады уавæримæ адæмæн, куыд республикæйы цæрджытæн, афтæ уазджытæн дæр. Фыццаджыдæр пайда сты зæрдæйы æмæ дадзинты, стæй нервыты низтимæ пациенттæн, ахсæн æмæ улæфæнты низтимæ адæмæн. Минералон дæтты гуырæнты æууæлтæ иртасын райдыдтой 15 азы размæ. Цы хатдзæгмæ æрцыдысты, уымæ гæсгæ Мамысонæй Тибы онг фæзуаты гæнæнтæ æмæ æууæлтæ хынцгæйæ йæ схонæн ис санаторон-курортон бынат.