Литературон журнал “Дарьял” мыхуыры рауагъта Архитектурæйы афæдзæн нысангонд сæрмагонд номыр

Литературон журнал “Дарьял” мыхуыры рауагъта Архитектурæйы афæдзæн нысангонд сæрмагонд номыр. Арæзт æрцыд Цæгат Ирыстоны архитекторы цæдисы æмархайдæй. Журналы фылдæр хай – къабазы бирæ кæмæн бантыст, уыцы дæсныты экспертон хъуыдытæ. Кæсджытæн сæ бон уыдзæн специалистты хъуыдытæ базонын, республикæйы ныртæккæ цавæр зындзиндтæ ис, æмæ сæ куыд райхалæн ис, уый тыххæй. Дыккаг хайы-архитектортӕ цы ӕмдзӕвгӕтӕ ныффыстой, уыдон, уыимæ сӕ мысинӕгтӕ, чи нал ис, уыцы ӕмкусджыты тыххӕй. Рауагъды сфидыдта Æппæтадæмон фестиваль “Алани”-йы мадзаларазæджы æрмæг дæр. Уæлдай цымыдисаг та – нывты конд. Бакуыста сыл Тедеты Зауыр. Бындурæн нывгæнæг райста агуыридур æмæ радзырдта нæ регионы сæйраг сахары историйы тыххæй. Журналыл ныридæгæн сæмбæлæн ис Дзæуджыхъæуы чингуыты дуканиты. Бафысджытæн æмæ адæмæн та йæ балхæнæн ис редакцийы.