Лолаты Заремæйы номыл сывæллæтты аивæдты скъолайы ахуырдзаутæ бацæттæ кодтой концерт

15.05.2026 13:17

Уæлахизы зарджытæ сын сæ зæрдыл æрлæууын кодтой æрыгон вокалисттæ æмæ гитаристты ансамбль «Пульс». Æрбацæуджытæ аргъ скодтой сывæллæтты курдиатæн.

Ветеранты Цæдисы азæлыдысты Цытджын Уæлахизы зарджытæ. Хистæртæн сфæлдыстадон лæвар бацæттæ кодтой Лолаты Заремæйы номыл аивæдты скъолайы хъомылгæнинæгтæ. Уæлахизы зарджытæ сын сæ зæрдыл æрлæууын кодтой æрыгон вокалисттæ æмæ гитаристты ансамбль «Пульс». Æрбацæуджытæ аргъ скодтой сывæллæтты курдиатæн. Мадзалы кадджын уазæг сси бард Лолаты Валерий. Уый акодта йæ авторон уацмыстæ. Концертон программæ æрбангом кодта цалдæр музыкалон здæхты. Уырыссаг адæмон мотивты ивтой цырд фæсарæйнаг зæлтæ. Аивадуарзджытæн æхсызгон уыд испайнаг æмæ бразилиаг композицитæ фехъусын дæр. Изæр рауад æнкъарæнтæй дзаг, сбаста фæлтæрты. Фембæлды кæронбæттæн ветерантæ бузныг загътой фæсивæдæн сæ музыкалон лæвары тыххæй.

Предыдущий материал

Регионалон конкурсы фӕлгӕты нывты равдыст байгом Рахизфарсы районы

Следующий материал

Ирон литературæйы музейы хъæздыг æмæ мидисджын экспозицийыл афæлгæст

Читайте также

Все новости