Мæздæджы Хетæгкаты Къостайы номыл уынджы 30-æм бирæфатерон хæдзары заууат цар ивы бындурон цалцæджы фонд

3.09.2025 20:36

Куыстытæ æххæстгонд цæуынц бирæуæладзыгон цæрæнбынæтты бындурон цалцæджы регионалон программæмæ гæсгæ. Бæстыхай арæзт æрцыд 30 азы размæ.

Мæздæджы Хетæгкаты Къостайы номыл уынджы 30-æм бирæфатерон хæдзары заууат цар ивы бындурон цалцæджы фонд. Куыстытæ æххæстгонд цæуынц бирæуæладзыгон цæрæнбынæтты бындурон цалцæджы регионалон программæмæ гæсгæ. Бæстыхай арæзт æрцыд 30 азы размæ. Уыцы рæстæгмæ йæ цар тæдзын райдыдта. Фарон та ма йæ тыхджын дымгæ бахъыгдæрдта. Уæд хæдзары сæр хайгай баивтой. Ныртæккæ йæ фонд бындуронæй цалцæг кæны. Специалисттæ 2000 квадратон метрыл байтыдтой згъæрæй конд сыфтæ, æдас æмæ декоративон уæлцъаримæ. Ацы æрмæг боныхъæдæн у фæразон, фæлæудзæн бирæ азты. Хæдзары сæры алыварс кусджытæ аивæзтой быру, фæзынд дзы къæвдайы дон æмбырдгæнæн хæтæлтæ. Хæстæгдæр рæстæг ма дзы специалисттæ сараздзысты фæздæгдзонтæ æмæ куыстытæ кæронмæ фæуыдзысты.

Предыдущий материал

Дзæуджыхъæуы сывæллæтты фыццæгæм поликлиникæйы бындурон цалцæг кæронмæ фæхæццæ кæны

Следующий материал

Беслæны 1-æм скъолайы кæронмæ æрхæццæ сты мысæн мадзæлттæ

Читайте также

Все новости