Æрвылаз дæр Джергуыбайы бæрæгбонмæ сæрмагондæй концерт бацæттæ кæнынц Мариинаг театры цæгатирыстойнаг филиалы национ зарæджы хор «Арион» Дзанайты Ольгæйы разамындæй. Артисттæн ацы концерт у уæлдай ахсджиаг. Стыр кадыл нымайынц Лæгты Дзуары зарæгæй сæ куывд Хуыцаумæ фæхæццæ кæнын. Нæ уацхæссæг Калоты Дзерассæ дæр уыд концерты æмæ йын ныхасы бар.
Сæ хъæлæсы фыццаг мыртæй иу уысммæ бацахстой театры егъау зал. Лæгты дзуары зарæгӕй адæммæ афтæ бахъардта, афтæ хæстæг ын айстой йæ ныхæстæ, æмæ уырдыг слæууыдысты. Мариинаг тетры Цæгатиры стойнаг филиалы национ зарæджы хор «Арион»-ы курдиатджын вокалисттæ азарыдысты зындгонд хормейстер æмæ дирижер Дзанайты Ольгæйы разамындæй. Джеоргуыбайы кадæн концерты лæгты дзуары зарæджы фæстæ скуывтой Хуыцаумæ.
Куывды æмæ ирон дины зарджытæй уæлдай адæмы размæ рахастой национ инструменталон цæгътытæ дæр. Зарæггæнджыты къорды архайджыты ныхæстæм гæсгæ, ацы концертæн ис егъау нысаниуæг. Сæ аивады руаджы сæ фæнды фæсивæдæн дæр æмбарын кæнын куыд ахсджиаг у нæ ирон æгъдау.
Зарджытæ æмæ цæгътытæй уæлдай сценæмæ рахастой нæ фыдæлты цардыуагæй равдыстытæ. Бацархайдтой дзы сывæллæтты сфæлдыстадон хæдзары курдиæттæ дæр.
Мариинаг театры Цæгатирыстойнаг филиалы нæлгоймæгты национ зарæггæнджыты къорд «Арион» ирон адæмы кадджындæр бæрæгбæттæй иу — Джеоргуыбайы кадæн æрвылаз бацæттæ кæнынц сæрмагонд концерт. Адæмы зæрдæтæм фæндаг кæй ссары, ууыл дзурæг та залы къах бавæрæн дæр кæй нæ вæййы, уый.
