Медицинон æхсæнад рахæцыд Уæрæсейы æнæниздзинад хъахъхъæнынады министрады хъæппæрисы фарс. Ныхас цæуы, коронавирусы ныхмæ дзыллон вакцинацийæ тæссаг кæмæн у, уыцы адæмы къордæн прививкæтæ кæнынмæ рахизыныл.
«Уæрæсейаг газет» куыд хъусын кæны, афтæмæй вирусæй рынчынтæ бæстæйы бирæ не сты, фæлæ фыццаг хатт афæдзы æрдæгмæ фæфылдæр сты 2%. Ковид кæмæ рабæрæг, уыдоны нымæц ныртæккæ у бирæ къаддæр, афæдз æмæ афæдзы ‘рдæджы размæ абаргæйæ. Чи дзы фæрынчын, уыдон та дзы æнцондæрæй сдзæбæх вæййынц.
Уый сбæрæг фæсаууонмæ медицинон ахуырады сервис Vrachu.ru дохтыртæ æмæ медицинон хоты æрфарсты фæстæ августы астæу. Дохтырты 73% сразы сты, ныртæккæйы уавæры дзыллон вакцинаци кæнын кæй нæ хъæуы, уыимæ. Медикты 14,5% та бæлвырд дзуапп нæ радтой. Дзыллон вакцинаци ныууадзын та бафæндыд 13 %. Æрфарсты бацархайдтой 2,5 мин адæймаджы.
