Медицинон реабилитацийы бирæвæрсыг центр дыууæ азы фæстæ фæзындзæн Беслæны. Республикæйы æнæниздзинад хъахъхъæнынады министрад æмгуыстады бадзырд бафыста æннæхæст бæрнондзинадимæ æхсæнад «ПремиумСтрой-Кавказ»-имæ.
Дзуапдæттæг министрадæй куыд хъусын кæнынц, афтæмæй фидæны медицинон центрæн ныртæккæ регионы æмбал нæй. Проектмæ гæсгæ, рынчындоны стационары уыдзæн 100 бынаты, боныгон уæвыны стационары та 11. Фæзындзæн дзы травматологи, ортопедийы, неврологи, ренимаци æмæ терапийы хайæдтæ. Уыимæ ма æппæт хъæугæ уавæртæ физиотерапийæ æмæ клиникон психологийæн. Центр ифтонггонд уыдзæн æппæты нырыккондæр кусæнгæрзтæй.
