МГИМО-йы студенттæ зонгæ кæнынц нæ республикæйы традицитæ æмæ культурæимæ

Уæрæсейы регионты цымыдисдзинад раргом кæнын. Дзæуджыхъæуы дарддæр йæ куыст кæны Адæмты ахастдзинæдты мæскуйаг паддзахадон интситуты сæрдыгон скъола. Университеты æмæ фæсарæйнаг хъуыддæгты министрады Дипломатон академийы 52 студенты ссыдысты Цæгат Ирыстонмæ. Архайынц командон хъæзтыты, этникон хæслæвæрдты æмæ дæсныйад æвдисæг ахуырты. Цæгат Ирыстоны паддзахадон университеты, Хæххон-металлургон институты æмæ паддзахадон аграрон университеты студенттæ уазджыты ахуыр кæнынц ирон кафтыл. Программæ у бирæвæрсыг, нысан кæнынц Беслæны 1-æм скъолайы бындурыл терроризмы ныхмæ арæзт центр бабæрæг кæнын. Студентты аласдзысты Ирыстоны хæхтæ фенынмæ дæр. Ирон æвзагимæ та сæ базонгæ кæндзæн ирон филологийы факультеты декан Гуытъиаты Эльмирæ. Ацы мадзал у арæзт цæуы æртыккаг, 2023-æм азы Санкт—Петербурджы æппæтадæмон экономикон форумы МГИМО æмæ республикæйы æхсæн цы бадзырд фыст æрцыд, уый фæрцы.