Республикæйы сæргълæууæг Сергей Меняйло фембæлд киноныв “Дух Барса”-йы къорды уæнгтимæ

Сергей Меняйло фембӕлд киноныв “Дух барса”-йы сфæлдыстадон къорды уæнгтимæ. Се ‘хсæн Владимир Вдовиченков ӕмӕ Павел Деревянко. Ныхас цыд ныртӕккӕ республикӕйы цы егъау кинопроект исынц, ууыл. Регионы разамонæг зӕрдӕ бавӕрдта командӕйӕн хъæугæ ӕххуыс бакӕнынӕй.  Сергей Меняйлойы ныхӕстӕм гӕсгӕ, ахӕм проектæ æвдисынц Ирыстоны рӕсугъддзинад, йӕ ӕрдз ӕмӕ традицитӕ. Бафтыдта, кинойы премьерӕмӕ бынæттон цæрджытæ тынг кæй ӕнхъӕлмӕ кӕсынц. Уӕ зӕрдыл уын ӕрлӕууын кӕндзыстæм, киноныв исын райдыдтой июлы. Сæйраг хъайтар — Дзӕуджыхъӕуӕй 13-аздзыд Батрадз. Бӕллы зындгонд футболист суæвынмæ, фӕлӕ йæм дохтыртӕ сбӕрӕг кодтой зæрдæниз. Уыцы цау лæппуыйы бæллицц нæ фæмынæг кодта. Хъуамæ сывӕллӕтты зындгонд академи “Алани”-мӕ бахауа. Сфæлдыстадон къорды куыст ахæсдзæн августмæ. Кинойы стъалыты ӕмрӕнхъ проекты архайынц зындгонд спортсментæ. Экраныл фенæн уыдзæн иугонд командӕйы сӕйраг тренер Валерий Карпин, арбитр Сергей Карасёв ӕмӕ дуаргӕс Александр Филимоновы.