Республикæйы мидхъуыддæгты министрады агурæн къорд «Долг и честь»-ы архайджытæ сбæрæг кодтой 1942-æм азы Дзæуджыхъæумæ бацæуыны тохты цы æфсæддон тæхæг фæмард, уый.
Разынд Советон куынæггæнæг хæдтæхæг И-16-ы тæхæг Георгий Адамович. Агурæн къорды уæнгтæ ссардтой Советон æфсæддон хæдтæхæджы уæлæдарæсы хæйттæ. Уыдоны экспертизæйы руаджы сбæрæг кодтой æппæт информаци дæр. Георгий Адамович райгуырд Белоруссийы. Уымæ гæсгæ ирыстойнаг сгарджытæ фехъусын кодтой се ‘мкусджытæн Белоруссийы æппæт информаци дæр.
Ныртæккæ йын агурынц йæ хæстæджыты. Уæвгæ та, хъæбатыр æфсæддоны кад æмæ радимæ ныгæд æрцыд Майрæмададжы, Суаргом хъахъхъæнджыты музейы мемориалон комплексы.
