Дзæуджыхъæуы администрацийы сæргълæууæг Милдзыхты Вячеслав, йæ хæдивæг Дзаболаты Зураб æмæ рекламæйы хайады хицау Хабæты Константин фембæлдысты рекламон агентадты минæвæрттимæ.
Ныхас кодтой рекламæйы цæджындзтыл. Ӕгӕр стыр кæй сты, уый аххосæй арæх сæхгæнынц горæты цъæх фæлыст. Горӕты историон хайы та нал фæзыныц цымыдисаг бæстыхæйттæ, архитектурон æмæ культурон цыртдзæвæнтæ, фæнысан кодта Милдзыхты Вячеслав. Дзæуджыхъæуы арæзт æрцыд ассоциаци, йæ хыгъды рекламон агентадты минæвæрттæ. Уыдон бакусдзысты сæрмагонд пъланыл, нæ горæты рекламæйы фарстаты райрæзтыл æмæ, цы хатдзæгтæм æрцæуой, уыдон фæнысан кæндзысты горæты хицауадимæ радон фембæлды. Зæгъдзыстæм ма уый, æмæ ныртæккæ горæты сæйраг хайæ айстой рекламæйы 39 егъау цæджындзы.
