Мобилон медицинон комплексты фæрцы дохтырты æркаст афæдзы райдианæй ацыдысты æртæ мин адæймагæй фылдæр. Уыдон сты хæххон æмæ дæрддзæф хъæуты цæрджытæ. Уый тыххæй хъусын кæны республикæйы сæргълæууæг Сергей Меняйло йæ телеграм-каналы.
Фарон бынативгæ комплекстæ хъæутæм рацыдысты мин хаттæй фылдæр, специалисттæ сбæрæг кодтой 23 мин адæймаджы æнæниздзинад. Дохтыры æркаст кæд æмæ кæм ацæуæн ис уый базонæн ис рагагъоммæ. Комплексты куыстæн ис бæлвырд фæтк.
Уæ зæрдыл уын æрлæууын кæндзыстæм «æнæниздзинад хъахъхъæнынады» нацпроектмæ гæсгæ республикæйæн радих кодтой 10 мобилон комплексы. Ифтонг сты низ чи иртасы, ахæм нырыккон кусæнгарзæй. Дæрддзæф хъæуты цы ацæргæ адæм ис, уыдонæн поликлиникæ нæ, фæлæ амбулаторимæ дæр хатгай сæ бон æрбацæуын нæ вæййы. Уымæ гæсгæ ацы комплекстæ сæ пайдадзинад равдыстой.
