Мыхуыры боны фæдыл каджын мадзал арæзт æрцыд Дзæуджыхъæуы адмнистрацийы дæр. Горæты администрацийы сæргълæууæг Милдзыхты Вячеслав раарфæ кодта журналисттæн.
Куыд загъта, афтæмæй бæрæгбон иу кæны дзыллон информацион фæрæзты кусджыты се ‘ппæты дæр. Загъта сын бузныг, администрацийы куысты тыххæй адæммæ информаци кæй хæццæ кæнынц, стæй сæ профессионалон куысты тыххæй. Журналисттæ дæр æргомæй аныхас кодтой горæты сæргълæууæгимæ, дзырдтой, цы ахсджиаг фарстатæ сæ тыхсын кæны, уыдоныл. Фæнысан ма кæндзыстæм уый, æмæ Дзæуджыхъæуы разамынды номæй бузныджы фыстæджытæ райстой 18 адæймаджы.
