Мыхуыры, дзыллон коммуникациты æмæ чингуыты рауагъдады къабазы райрæзтыл ныхас цыд, Дзанайты Барис цы æмбырд амыдта, уым. Республикæйы регистрацигонд сты дзыллон информацийы 78 фæрæзы, уыдонæй 48 мыхуыры, 20 – телеуынынад æмæ радиохъусынкæнынады, 9 хызон æмæ 1 информацион агентад. Дзуапдæттæг комитеты бæрны ис дзыллон информацийы 10 фæрæзы æмæ рауагъдад «Ир». Национ телекомпани «Осетия-Ирыстон» кусы æхсæвæй-бонæй: 90% – хи контент, уыдонæй 60% – ирон æвзагыл.
Ныхас ма цыд газеттæ æмæ журналтæ рафысты кампанийыл, материалон-техникон бындур сфидар кæнын, кадртæ цæттæ кæныныл, сæрмагондæй, мадæлон æвзагыл чи дзуры æмæ фыссы, ахæмты. Национ политикæ æмæ æддагон бастдзинæдты министр Бæгъиаты Алан куыд фæбæрæг кодта, афтæмæй «Ирон æвзаджы национ-культурон райрæзты» паддзахадон программæмæ гæсгæ цæттæ кæнынц 20 специалисты. Уыдонæн сæ бон суыдзæн республикæйы дзыллон информацийы фæрæзты кусджыты рæнхъытæ баххæст кæнын.
