Абон ма Мызуры байгом кодтой Чехойты Сæрæбийы номыл мемориалон фæйнæг. Номдзыд ирон фыссæг, поэт, Фыдыбæстæйы Стыр хæсты архайæг. Чехойты Сæрæби уыд æхсæнад æмæ аивады кусæг. Фидæны фæлтæртæн зондамонæг. Сæрæби фыццаг уыд, ирон æвзагыл роман æмдзæвгæйы хуызы чи ныффыста, уый. Схуыдта йæ «Цæр».
Мемориалон фæйнæг ныффидар кодтой Мызуры культурæйы хæдзары чиныгдоны къулыл. Абонæй фæстæмæ чиныгдон хæсдзæн Чехойты Сæрæбийы ном. Хъуыддаг къухы бафтыд Чехойты мыггаг æмæ республикæйы сæргълæууæг Битарты Вячеславы æххуысæй.
