“Фæсивæд æмæ сывæллæттæ” национ проекты фæлгæты Цæгат Ирыстоны арæзт цæуынц алывæрсыг уавæртæ сабитæн. Гом кæнынц профилон кълæстæ æппæтæй ахсджиагдæр здæхтытæм гæсгæ. Ныр та ма фæзындысты иумæйаг паддзахадон фæлварæнмæ цæттæгæнæн центртæ дæр. Уавæртæ афтæ арæзт цæуынц, цæмæй фæсивæдæн сæ бон уа фæлварæнтæ хорз бæрæггæнæнтимæ раттын.
Цæмæн хъæуы противогаз, куыд æй скæнгæ у æмæ дзы раст куыд пайда кæнын хъæуы. Цардархайды æдасдзинады бындурты
урокы сывæллæттæ цы зонындзинæдтæ исынц, уыдон æй алкæддæр бахъæудзысты. Нырыккон ифтонггæрзтæ та процесс кæнынц ноджы цымыдисагдæр. Сывæллæттæ ахуыр кæнынц æхсын, халынц æмæ æбырд кæнынц автоматтæ. Педагогтæ хорз зонынц куыд ис алы скъоладзауы дæр сцымыдис кæнæн.
Æмбырд кæнынц цатыртæ, ахуыр кæнынц хуыйынц, хæринаг цæттæ кæнын. Уый тыххæй байгом кодтой дæсгай профилы: медицинон, наукон, математикон æмæ æндæртæ. Уæгъд рæстæг та фæсивæд саразынц æцæг хъазт. Симд, хонгæ, уыимæ нырыккон кæфтытæ. Æнкъард нæу ахуыргæнджытæн дæр. Сывæллæттæ ам сты суанг изæры онг. Æрæджы та скуыстæ ног здæхт.
Стыр æргом скъолайы, кæй зæгъын æй хъæуы, здахынц иумæйаг паддзахадон фæлварæнтæм цæттæ кæнынмæ. Экзаментæ æнтыстджынæй раттынæн ис æппæт уавæртæ дæр. Центртæ, уæлæмхасæн ахуыртæ. Фарон рауагъдонтæ равдыстой хорз бæрæггæнæнтæ, сæ фылдæр кæдæм фæнд кодтой, уыцы ахуыргæнæндæттæм бахаудысты. “Фæсивæд æмæ сывæллæттæ” национ проектмæ гæсгæ кабинеттæ дарддæр ифтонг кæнынц. Кусынц дæсгай профилон кълæстæ. Туризм æмæ уазæгуарзондзинад у сæ ногдæр здæхт. Скъоладзаутæн ис æппæт гæнæнтæ, цæмæй сæхи алы къабæзты фæлварой. Сæхицæн рагацау равзарой фидæны дæсныйад.
