Ног азæй бирæсывæллонджын бинонтæ исдзысты иухаттон æххуыс скъолайы кæнæ спортивон уæлæдарæс æлхæнынæн

29.10.2024 20:05

Уый тыххæй фехъусын кодтой хицауады æмбырды. Фæрæзты бæрц уыдзæн Цæгат Ирыстоны сывæллонæн фæцæрынæн æппынкъаддæры бæрцы 50%.

Ног азæй бирæсывæллонджын бинонтæ исдзысты иухаттон æххуыс скъолайы кæнæ спортивон уæлæдарæс æлхæнынæн. Уый тыххæй фехъусын кодтой хицауады æмбырды. Фæрæзты бæрц уыдзæн Цæгат Ирыстоны сывæллонæн фæцæрынæн æппынкъаддæры бæрцы 50%. Рахай сæ кæндзысты республикон бюджетæй. Льготæ райсынæн курдиат бадæттæн ис цæрджыты социалон хъахъхъæнынады управленимæ. Ныхас ма цыд цæрæнуæтты-коммуналон комплексы райрæзтыл. Донæй ифтонггæнæн республикон куыстуат йæ хыгъдмæ райсдзæн цалдæр объекты Дигорайы, Æрæфы, Кировы, Мæздæджы æмæ Рахизфарсы муниципалон районты. Куыд ма рабæрæг, афтæмæй 2025-æм азы Толдзгун æмæ Къæмунтæйы бындуронæй рацараздзысты дондзæуæн хызтæ. Æрдзырдтой ма республикон бюджетыл дæр. Премьер фæнысан кодта, ацы фарстамæ уæлдай æргом здахын кæй хъæуы.

Предыдущий материал

“Профессиональные старты-Алания”, зæгъгæ, регионты ‘хсæн тематикон æмбырд райдыдта

Следующий материал

Хицауады ныхас цыд Цæгат Ирыстоны ведомствойы бæрны спорты кусæндæтты финансон-хæдзарадон архайды фарстатыл

Читайте также

Все новости