“Профессиональные старты-Алания”, зæгъгæ, регионты ‘хсæн тематикон æмбырд райдыдта

“Профессиональные старты-Алания”, зæгъгæ, регионты ‘хсæн тематикон æмбырд райдыдта Дзæуджыхъæуы. Уæрæсейы авд регионæй дзы архайынц 80 скъоладзауы. Мадзал здæхт у социалон дæсныйæдты ахуырадмæ, фæсивæды хуыздæр миниуджытæ раргом кæнынмæ. Æрыгон адæмæн бацæттæ кодтой хъæздыг программæ – ахуырадон тренингтæ, дæсныйадæвдисæг ахуыртæ, лекцитæ, роздзогты дæсныдзинадыл ахуыртæ. Амондзысты сын сæ сывæллæтты æппæтуæрæсеон центр “Орленок”-ы специалисттæ. Йæ раныхасы фæсивæдмæ фæсидт фæллойы министры хæстæ рæстæгмæ æххæстгæнæг Маматы Анджелæ. Проект æххæстгонд цæуы “Профессиональные старты”, зæгъгæ, федералон программæмæ гæсгæ. Мадзаларазджытæ – республикæйы раздзогты æхсæнадон иугонд “Новый взгляд” æмæ Краснодары крайы организаци “Молодежная палата Кубани”. Мадзал ахæсдзæн цыппар боны.