Цæгат Ирыстоны мыхуыр æмæ дзыллон коммуникациты хъуыддæгты комитеты разамынд нæ республикæйы журналты кусджыты базонгæ кодта сæ ног сæйраг редактортимæ. Уæ зæрдыл уын лæууын кæнæм, “Ногдзау”, “Мах дуг” æмæ “Дарьял”-æн ног разамонджытæ кæй ис.
Литературон-аивадон æмæ æхсæнадон-политикон журнал “Мах дуджы” сæргъы слæууыди Уæрæсейы фысджыты Цæдисы уæнг Мамыкъаты Хъазыбег. Раздæр куыста поэзи æмæ драматургийы хайады. Сывæллæттæн Литературон-аивадон журнал “Ногдзау”-ы сæйраг редактор та сси журнал “Барсик”-ы бындурæвæрæг æмæ сæргълæууæг Томайты Сергей. Уымæй уæлдай-ма у историк, æхсæнадимæ бастдзинæдты специалист. Фæстаг азты разамынд лæвæрдта рауагъдад “Ника-Пресс”-æн. Литературон-аивадон æмæ æхсæнадон-политикон журнал “Дарьял” та ныртæккæ ис журналист æмæ публицист Цхуырбаты Аланы бæрны.
Уый каст фæцис Цæгат Ирыстоны паддзахадон университеты фæсарæйнаг æвзæгты хайад. 2004 азæй фæстæмæ у алыхуызон уæрæсейаг æмæ фæсарæйнаг дзыллон информацийы фæрæзты уацхæссæг.
