Ногдзинæдтæ æнхъæлмæ кæсынц Уæрæсейы цæрджытæм 1-æм мартъийæ фæстæмæ. Фæкарздæр уыдзысты ипотекон кредитты домæнтæ. Уæрæсейы банк фæфылдæр кæндзæн тæссаг уавӕртимӕ баст уӕлфиддоны коэффициенттæ.
Уый хъæуы уымæн, цæмæй цæрджытæ сæхи æгæр кредитты бын ма фæкæной. Мартъийæ ма хъæууон хæдзарадон цæрæгойты æнæмæнг хъæудзæн маркировкæ кæнын. Дæтдзысты сын сӕрмагонд коды хуызы арӕзт дамгъæтæ æмæ цифрæтимæ идентификацион номыр, хæсдзысты йæ бæрæггæнæнты иумæйаг базæмæ. Уыцы ногдзинад хъæуы уымæн, цæмæй фосы хæцгæ низтæ ма парахат кæной, стæй кæцæй цæуынц уыцы низтæ, уый рабæрæг кæнынæн. Россельхознадзор ахӕм домӕнтӕм гӕсгӕ цæрæгойты хынца хъуамӕ лæвар. Фæлæ сæ хицæуттæн маркировкæ кæнын хъæудзæн сæхи хардзæй.
