Ногир æмæ Михайловскæйы ‘хсæн хид райхæлдтой 90% бæрц. Уый тыххæй радзырдтой куыстытæ æххæстгæнæг организацийы специалисттæ.
Ныртæккæ цæттæ кæнынц сæрмагонд техникæйы архайдæн фæзуат. Цы зæронд хæйттæ ма дзы баззад, уыдон айсдзысты, цæджындзтæ та ныффидар кæндзысты. Куыстытæ цæуынц бæлвырд æмгъуыдæй раздæр. Уымæн æххуыс у нырыккон техникæ. 4 экскаваторы гидромолот æмæ ковшимæ. Дарддæры проект сæххæст кæндзысты зӕххы миниуджытæ хынцгæйæ.
Æдасдзинадмæ здæхт цæудзæн уæлдай æргом. Паддзахадон инспекцийы фæрцы сæвæрдтой хъæугæ фæндаггон нысæнттæн се ‘рдæг. Иннæтæ дæр тагъд сæ бынат ссардзысты. Уыцы-иу рæстæг цæудзысты былгæрæттæ фидаргæнæн куыстытæ.
