Археологон куыстытæ Нузалы аргъуаны алфамбылай цæуынц Уæрæсейы культурæйы министрады барвæндæй. Уый тыххæй гом фыстæг равӕрдтой, Уæрæсейы наукæты академиимæ баныхас кæнгæйæ. Куыстытæ цæуынц нæ республикæйы Æхсæнадон Палатæйы профилон къамисы цæстдардимӕ. Археологон иртасӕн куыст куыд цӕуы, уый федта нæ республикæйы нациты*хсæн ахастдзинæдты фарстаты фæдыл министр Цуциты Аслан.
Ныхас кодта бынæттон цæрджытимæ. Уыдон фæдызæрдыг сты, археологон куыстытæ закъонмæ гæсгæ цæуынц æви нæ, ууыл. Цуциты Аслан зæрдæ бавæрдта, алцыдæр закъон æмæ æгъдæуттæ хынцгæйæ кæй кæнынц, уымæй.
Рагон дзауматæ агурынц археологтæ æппæт Уæрæсейæ. Сæ ныхæстæм гæсгæ, куыстытæ куы фæуой, уæд, цы рагон дзауматæ ссарой, уыдон бахæсдзысты Национ Музейы экспонатты хыгъдмӕ.
