Онкологон низтæ дзæбæхгæнгæйæ анестезийæ куыд пайда кæнын хъæуы, ууыл абон дзырдтой Дзæуджыхъæуы арæзт конференцийы. Мадзал арæзт æрцыд Петр Герцены номыл наукон-иртасæн институты ахуырадон проекты фæлгæты.
Мæскуыйаг иртасджытæ республикæйы дохтыртимæ ныхас кодтой рыстисæн хостæ кæмæн æмæ куыд дæттын хъæуы, ууыл. Бафтаудзыстæм ма уый, æмæ 2014-æм азæй фæстæмæ конференцитæ Уæрæсейы 20 регионæй фылдæры кæй сарæзтой. Дзæуджыхъæумæ ссыдысты фыццаг хатт. Сæ проектæй сæ фæнды медицинон кусæндæтты æргом онкологон низтæ дзæбæхгæнгæйæ зындзинæдтæ рагацау иуварс кæнынмæ аздахын.
Сæрмагондæй фæнысан кодтой рынчынты удæнцой æмæ анестезийы æдасдзинад. Цæгат Ирыстоны онкодиспансеры хыгъды æдæппæтæй ис 17 мин адæймагæй фылдæр.
