Нырыккон лексикæ æмæ культурæты диалогыл ныхас цыд Гуыриаты Тамерланы номыл кæстыты

Нырыккон лексикæ æмæ культурæты диалогыл ныхас цыд Гуыриаты Тамерланы номыл кæстыты. Дæсгай ахуыргæндтæ бакастысты сæ докладтæ. Темæтæ уыдысты алыхуызон: мадæлон æвзаджы уроктæй — нæ литературæмæ хаст Шотландийы балладæты онг. Сæ наукон проекттæ æмæ æрмæджытæ равдыстой студенттæ дæр. Наукон-практикон конференци арæзт æрцæуы зындгонд ахуыргонд, Цæгат Ирыстоны гуманитарон æмæ социалон иртасæнты институты æвзагзонынады хайады раздæры сæргълæууæг, филологон наукæты доктор, профессор Гуыриаты Тамерланы номыл. Йæ царды сæйрагдæр нысан уыд зонадон æмæ рухстауæн куыст кæнын, æмæ йын уыцы хъуыддæгты бирæ бантыст. Йæ наукон фæллæйттæ сты ахадгæ.